ᐊᓂᔑᓇᐯ ᐊᐢᑭᔾ ᐊᑐᐢᑫᓇᑲᓇᐠ 20 ᑕᔑᐧᐊᐠ ᐊᐸᒋᐊᑲᓇᐠ ᑲ ᑲᑫᐢᑭᒥᐧᐁᒋᐠ᙮ ᐅᑯ ᐊᐸᒋᐊᑲᓇᐠ ᐧᐃᓇᐧᐊᐤ ᑲ ᐊᔭᒥᐊᒋᐠ ᐃᓂᓂᐧᐊ ᐊᓂᔑᓇᐯᐧᐊᐢᑭᐠ ᑲ ᐃᑕᓂᒋ ᑕᔑᓀ ᐊᐸᑎᓯᐧᐊᐠ ᐁ ᐅᑕᐱᒋᐠ᙮ ᑌᓕᐳᓂᐠ ᓀᐢᑕ ᐱᑯ ᑯᑕᑭᐠ ᐃᑌᑫ ᑕᑭᐅᒋ ᑲᒋᑎᓇᑲᓂᐧᐊᐧᓇᐠ ᐁᐧᐃ ᐊᔭᒥᐃᒋᐠ᙮ ᐅᑯ ᐊᐸᒋᐊᑲᓇᐠ ᐧᐃᓇᐧᐊᐤ ᑲ ᐅᒋᐢᑕᒪᑫᒋᐠ ᐱᒥᐃᐧᐁᐧᐃᓇ ᒪᓂᐸᓂᐧᐃᓂᐠ ᐃᔑ ᑲ ᐃᔑ ᐃᑕᐧᑲᓂᓂᑭ ᐃᓂᓂᐧᐊᐢᑭᔭ᙮ ᒧᓇ ᓀᐢᑕ ᑫᐧᑲᓂᐤ ᑲᑕ ᒥᓯᑌᐸᓂᐧᑕᐧᐊᐠ ᑫᐧᑲᐣ ᑲ ᑲᑕᓂᐧᐊᐠ ᑲ ᐃᔑ ᐧᐃᑕᒪᑯᒋᐠ ᑲᐱᒥᐊᒋᐠ᙮ ᑕᔑᓀ ᐃᑕᐧᐊᐠ ᐅᑯ ᐊᐸᒋᐊᑲᓇᐠ ᐁ ᐅᑕᐱᒋᐠ ᑭᔕᐢᐱᐣ ᐊᐧᐁᓂᑲᓇ ᐧᐃᐊᔭᒥᐃᑯᐧᑕᐧᐁ᙮

ᐧᐸᑊ ᐃᓂᓂᐧᐃᑐᑕᒧᐧᐃᓂᐠ ᐅᒪᐡᑫᑯᐧᐃ ᐃᓂᓂᐤ ᑲᒪᒥᓄᒥᐧᐁᐟ ᐃᓂᑯᐠ ᑲ ᑭ ᐯᒋ ᐱᒪᑎᓯᐟ ᐅᒪ ᐁ ᑭᑐᑕᐠ ᔕᐧᐸᐢᑲᒥᐠ ᑲᓇᑕᐢᑭᐠ ᐃᓂᓂᐠ ᐃᑌᑫ ᒥᑐᓀᓂᒋᑲᓂ ᐊᑐᐢᑫᐧᐃᓂᓂᐤ ᓀᐢᑕ ᒥᓄᐸᓂᐧᐃᓂᓂᐤ ᐁ ᑭᐊᑐᐢᑲᑕᐠ ᒥᐧᓇᒋᐃᑎᓱᐧᐃᓂᐠ ᐃᑌᑫ᙮ ᐧᑲᔭᐢᐠ ᐁᓂᓯᑐᑕᐠ ᐃᓂᓂᐧᐃ ᑐᑕᒧᐧᐃᓂᓂᐤ ᐁ ᒥᐧᓇᒋᐃᑎᓱᓇᓂᐧᐊᓂᓂᐠ ᒥᓄᐱᒪᑎᓯᐧᐃ ᐊᑐᐢᑫᐧᐃᓂᐠ ᓀᐢᑕ ᐁ ᐊᔭᐟ ᑲᐡᑭᐅᐧᐃᓂᓂᐤ ᑕᓀᐢᐱᒋ ᑭᐢᑌᓂᑕᐧᑲᓂᓂᐠ ᓀᐢᑕ ᐁᑭᐢᑌᓂᑕᐠ ᑲ ᐃᔑ ᑭᐢᑭᓄᐊᒪᑫᓂᒋ ᑭᔐᔭᐊᐧᐊ ᓀᐢᑕ ᑲ ᐃᔑᑐᑕᒥᓂᒋ ᑫᐧᑲᓇ ᐃᓂᓂᐧᐃ ᐣᑐᑯᓄᓇ ᐁᓄᒋᑕᓂᒋ᙮ ᐁ ᑭᐢᑭᓄᐊᒪᑫᐟ ᐃᓂᓂᐧᐃ ᐊᔭᒥᒋᑫᐧᐃᓂᐠ ᒣᐧᑲᐨ ᐁ ᐊᐸᑎᓯᐟ ᓀᐢᑕ ᐅᐱᒪᑎᓯᐧᐃᐣ᙮ ᒥᒉᐧᑕᔦᐠ ᑲ ᑭ ᐃᔑ ᐸᐸᔭᐸᑎᓯᐟ ᐅᑌ ᐃᑌᑫ ᐊᓂᔑᓇᐯᐧᐃ ᐊᐢᑭᐠ ᐃᓂᓂᐧᐊᐢᑭᐠ ᓀᐢᑕ ᑲ ᐃᔑ ᐃᑕᐧᑲᓂᓂᑭ ᑲᑦᐸ ᐧᐃᓇ ᐁ ᑭᐱᑦᐸᓂᐧᑕᐟ ᐅᑕ ᑲᓇᑕᐢᑭᐠ ᓀᐢᑕ ᒪᐣᑌᐧᐊᐢᑭᐠ ᐊᓚᐢᑲ ᑲ ᐃᔑᓂᑲᑌᓂᐠ᙮ ᑭᔐᔭᐧᐊᐧᐃ ᐊᑐᐢᑫᐧᐃᓂᓂᐤ ᓀᐢᑕ ᒥᐧᓇᒋᐃᐧᐁᐧᐃ ᐊᑐᐢᑫᐧᐃᓂᓂᐤ ᐁ ᑭᐱᑦᐸᓂᐧᑕᐟ᙮ ᐧᐸᑊ ᑭ ᑲᐡᑭᑕᒪᓱᐤ ᒪᓯᓇᐃᑲᓂᓂᐤ ᑲᒥᓂᐟ ᐊᐧᐁᓂᑲᐣ ᐁᑲᐡᑭᑕᒪᓱᐟ ᑲ ᐃᔑ ᑲᐡᑭᐅᐟ᙮ ᓂᒥᓄᑌᐊᐣ ᓂᓇ ᐁ ᐃᑕᐢᑌᓂᐠ ᐁ ᐅᑕᐧᐃᒪᐧᐃᐟ ᐁ ᐅᑲᐧᐃᒪᐧᐃᐟ᙮ ᓀᐢᑕ ᑯᑕᑭᔭ ᑲᐡᑭᑕᒪᓱᐧᐃᓇ ᐁᑭᒥᓂᐟ ᐁ ᑭᔕᐳᐡᑲᐠ ᐁ ᐸᑭᑎᓇᐠ ᓇᓇᑲᐤ ᐸᐧᑲᐣᑕᐤ ᑫᐧᑲᓇ ᑲ ᐊᐸᒋᑕᓂᐧᐊᓂᓂᑭ᙮ ᓀᐢᑕ ᑭᑲᐡᑭᑕᒪᓱᐤ ᑭᒋ ᑭᐢᑭᓄᐊᒪᑫᐟ ᐁᐧᑲᐧᐊ ᐯᔭᐠ ᓂᑕᐸᒋᐊᑲᓂᓇᐣ ᐅᑕ ᐊᓂᔑᓇᐯᐧᐃ ᐊᑐᐢᑫᐧᐃᓂᐠ᙮ 

ᕈᐟ 15 ᐱᐳᐧᓇ ᐊᐢᐱᐣ ᐃᓂᑯᐠ ᑭ ᐯᒋ ᐊᐸᑎᓯᐤ ᑲ ᓂᑲᓂᐟ ᐁ ᑭᐢᑭᓄᑕᐃᐧᐊᓂᐧᐊᓂᓂᐠ ᐁ ᓇᓇᑲᒋᐃᐧᐁᐟ ᑲ ᒪᒥᓄᒥᐧᐁᐟ ᓀᐢᑕ ᐯᐡᑭᐡ ᐁ ᑭᐢᑭᓄᐊᒪᑫᐟ ᐁ ᑭ ᐸᐸᔭᐸᑎᓯᐟ ᐃᓂᓂᐧᐊᐢᑭᐠ ᔕᐧᐸᐢᑲᒥᐠ ᑲᓇᑕᐢᑭᐠ ᓀᐢᑕ ᑫᔑᒋᐧᐊᓄᐠ᙮ ᓇᐢᐱᐨ ᑲᐡᑭᐅᐤ ᐁᐧᐃᒋᐊᐸᑎᓯᒪᐟ ᐅᐡᑲᑎᓴ ᐃᓂᓂᐧᐊᐢᑭᐠ ᑲ ᐃᑕᓂᒋ ᑭᒋᐧᐊᐧᐃᒋᐧᑕᐤ ᐁ ᐊᐸᑎᓯᑲᒋᑲᑌᓂᐠ ᒥᓄᐱᒪᑎᓯᐧᐃᓂᓂᐤ ᐁ ᑭᑲᐧᑫ ᑭᐢᑭᓄᐊᒪᓱᐟ ᐁᑐᒋᑲᑌᓂᐠ ᐃᓂᓂᒧᐧᐃᓂᐠ ᐃᑌᑫ ᑲᐡᑭᐅᐤ ᓀᐢᑕ ᐁ ᑭᐢᑭᓄᐊᒪᑫᐟ ᐧᐊᓇᐧᐃᑎᒥᐠ ᐃᑌᑫ ᑫᐧᑲᓇ ᑲᑐᒋᑲᑌᓂᑭ ᐁ ᑭᐯᒋ ᑭᐢᑭᓄᐊᒪᓱᐟ ᐃᓂᓂᐧᐃ ᐱᒪᑎᓯᐧᐃᓂᓂᐤ ᑫ ᑭ ᐅᒋ ᑭᑫᐃᒥᒋ ᑲ ᒪᓂᐸᓂᓂᒋ ᐊᐧᐁᓂᐧᐊ ᑭ ᑭᔑᑕᐤ ᐅᐅ ᑫᐧᑲᓇ ᐁ ᑭᐢᑭᓄᐊᒪᓱᐟ ᓀᐢᑕ ᓇᓇᑲᐤ ᑯᑕᑭᔭ ᑫᐧᑲᓇ ᑲ ᑭ ᐯᒋ ᑭᐢᑭᓄᐊᒪᓱᐟ᙮ ᑲ ᐃᔑ ᓇᓂᑌᓂᑕᐧᑲᓂᓂᐠ ᒪᓂᐸᓂᐧᐃᓂᐠ ᑲᓂᔑᐧᐊᓇᒋᑕᐟ ᐊᐧᐁᓇ ᐅᐱᒪᑎᓯᐧᐃᐣ ᑭ ᐯᒋ ᐊᑐᐢᑲᑕᑦ ᐅᐅ ᑕᑐ ᒪᓂᐸᓂᐧᐃᓇ ᑲ ᐃᑕᐧᑲᓂᓂᑭ ᓀᐢᑕ ᐧᑲᔭᐢᐠ ᐁᐧᐃᒋᐊᐟ ᑕᑐ ᐊᐧᐁᓂᑲᓇ ᑲᐱᒥᐊᐟ᙮

Ruth on Facebook

ᐊᓂ ᔕᐧᐊᓄᐠ ᑭ ᐅᒋ ᐅᐱᑭᐤ ᐁ ᑭ ᐯᒋ ᐧᐃᒋ ᐅᐱᑭᒪᐟ ᓇᓇᑲᐤ ᓀᐢᑕ ᐃᓂᓂᐧᐊᐢᑭᔭ ᐧᐊᐢᑲ ᐁ ᑭᑕᐧᑲᓂᓂᑭ ᓀᐢᑕ ᐁᓯᑭᓀᓯᐟ ᐁ ᑭ ᐅᒋ ᑭᐢᑭᓄᐊᒪᓱᐟ ᐃᓂᓂᐧᐊᐢᑭᔭ ᐧᐊᐢᑲ ᑲ ᐃᔑ ᐃᑕᐟ ᐅᒪ ᐃᔑᓂᑲᑌᓂᐧᐊ ᐱᐠᒍᐧᐊᓇᐣᐠ, ᐃᓗᓚᐧᐱ ᓚᑭᐧᐃᓪᐟ ᓀᐢᑕ ᐁᓯᑭᓀᓯᐟ ᐁ ᑭ ᐅᒋ ᑭᐢᑭᓄᐊᒪᓱᐟ ᓀᐢᑕ ᐁ ᑭᐢᑫᓂᑕᐠ ᑲ ᐃᑎᓂᒋ ᐅᐅ ᐅᑕ ᐃᓂᓂᐧᐊᐢᑭᐠ ᑲ ᑕᔑᑫᓂᒋ᙮ ᐊᓂ ᑭ ᐯᒋ ᐊᐸᑎᓯᑲᑕᑦ ᐅᐅ ᓇᓇᑲᐤ ᒪᓂᐸᓂᐧᐃᓇ ᐁᐧᐃᒋᐊᐟ ᐊᐧᐁᓂᑲᓇ ᒪᒥᓄᒥᐧᐁᐧᐃᓂᐠ ᐃᔑ ᓀᐢᑕ ᑲᐧᐃᒋᑲᑌᓂᐠ ᑕᓀᑎᓂᒋ ᐊᐧᐁᓂᐧᐊ᙮ ᐊᓄᒋᑫ ᐸᐣᑯᐳᕐ ᑭᒋ ᐃᑕᐧᐃᓂᐠ ᑭ ᐃᔑ ᐊᐸᑎᓯᐤ ᐁᐧᐊᐧᐃᒋᐧᑕᐟ ᑲ ᐃᔑ ᐃᑐᑌᓂᒋ ᐊᐧᐁᓂᑲᓇ ᑲᒪᓂᐱᑎᑯᓂᒋ ᓇᓇᑲᐤ ᑫᐧᑲᓇ ᑲ ᐊᐸᒋᑕᓂᒋ᙮ ᐊᓂ ᑫᓂᑯᐠ ᐊᐸᑎᓯᐤ ᐁ ᐧᐊᐧᐃᒋᐧᑕᐟ ᑲ ᐃᔑ ᓇᓇᑲᒋᐃᒥᒋ ᐊᐧᐁᓂᑲᓇ ᒪᐧᐊᐨ ᑲ ᑭᒋ ᒪᓂᐸᓂᓂᒋ ᐁᑯᑕ ᑲ ᑭ ᐃᔑ ᐊᐸᑎᓯᐟ᙮ ᒪᔦᐤ ᐱᑯ ᐊᓂ ᑲ ᑭᒋ ᒪᒪᐢᑲᑌᓂᑕᐠ ᑭᒋ ᐧᐃᒋᐧᑕᐟ ᐅᑌᒪ ᓀᐢᑕ ᒣᐱᐢ ᐃᔑᓂᑲᓱᓂᐧᐊ ᑲ ᑭ ᑭᐢᑭᓄᐊᒪᒥᒋ ᑭᒋ ᑭᐧᐃᒋᐧᑕᓂᒋ ᐊᐧᐁᓂᑲᓇ ᑲ ᒪᓂᐸᓂᓂᒋ ᐅᒋ᙮

Annie on Facebook

ᒪᑎᓯᐣ ᐅᑎᓂᓂᐧᐃ ᐃᔑᓂᑲᓱᐧᐃᐣ ᐧᐊᐱ ᐊᐣᓇᐣᐠ ᐧᐁᒥᐢᑎᑯᔑᑲᐣ ᐊᐧᐊ ᒥᑭᓯᐤ ᐅᑐᑌᒧᐤ᙮ ᐁᑯᑌ ᑕᐣᑐᕐᐯ ᑲ ᐅᒋ ᐅᐱᑭᐟ ᐯᔭᐠ ᐃᑕᐧᐃᓂᔑᐠ᙮ ᐊᓄᒋᑫ ᑭ ᑭᔑᑕᐤ ᐁ ᑭ ᑭᐢᑭᓄᐊᒪᓱᐟ ᓴᐟᐯᕆ ᑭ ᑲᐡᑭᐅᐤ ᐁ ᑭᐢᑭᓄᐊᒪᓱᐟ ᓀᐢᑕ ᑭ ᑲᐡᑭᑕᒪᓱᐤ ᑭᒋ ᑭᐢᑌᓂᒥᐟ ᒥᓇ ᒪᑲ ᐧᐃ ᑭᐢᑭᓄᐊᒪᓱᐤ ᐁᐧᐃᑲᐧᑫᑐᑕᐠ ᐊᒋᑫᐣ ᑭᒋ ᐊᑎ ᑲᒋᑎᓇᐠ ᑫᐧᑲᓇ ᑫ ᑭ ᐅᒋ ᐊᐸᑎᓯᐟ᙮

Madison on Facebook

ᐸᓪ ᑭᒪᒋᐊᐸᑎᓯᐤ ᐅᒪ ᑲ ᐃᓇᐸᑎᓯᐟ ᐊᐧᐊᔑᔕᐠ ᑲ ᐃᔑ ᓇᓇᑲᒋᐃᒋᐠ ᑭ ᐃᔑᐊᐸᑎᓯᐤ ᑲ ᐃᐡᐧᑲ ᑭᔑᑕᐢᐸᐣ ᐁ ᑭᐢᑭᓄᐊᒪᓱᐟ ᐧᒐᐨ ᐸᐧᕋᐣ ᑭᐢᑭᓄᐊᒪᑐᐧᐃᑲᒥᑯᐠ᙮ ᑭᐡᐧᑲ ᒥᓇ ᑭ ᐊᐸᑎᓯᐤ ᑯᑕᐠ ᐱᒥᐃᐧᐁᐧᐃᓂᐠ ᓀᐢᑕ ᐃᐢᐧᑫᐧᐊᐠ ᑲ ᐃᔑ ᓇᓇᑲᒋᐃᒋᐠ ᑭᐧᐃᑕᒧᐧᐁᐸᐣ ᐁᐧᐃᑕᐠ ᑲ ᐊᐸᑎᓯᐢᐸᐣ ᐅᐣᑌᕆᐅ ᐅᑭᒪᑲᐣ ᐊᐸᑎᓯᐧᐃᑲᒥᑯᐠ ᐅᒪ ᐁᐧᐃ ᐃᓇᐸᑎᓯᐢᐸᐣ ᑲᓇᓇᑲᒋᑕᓂᐧᐊᑭ ᓇᓇᑲᐤ ᑐᐧᐃ ᐣᑐᑯᓄᓇ᙮ ᔕᑯᐨ ᑭᓄᑌ ᑭᑐᑌᐤ ᐁ ᐅᑭᒪᑲᓂᐧᐃᐟ ᐃᓂᓂᐧᐊᐢᑭᐠ ᑲ ᐅᒋᐟ᙮ ᐊᓂᔑᓇᐯᐠ ᑭ ᐊᐸᒋᐃᑯᐤ ᐧᐃᓇ ᐁ ᑭᐅᑭᒪᐧᐃᐃᐟ ᓀᐢᑕ ᒪᑲ ᐧᐃᓇ ᑭ ᐊᐸᒋᐊᑲᓂᐧᐊᐣ ᑭᒋ ᑭ ᒪᒥᓄᒪᐟ ᐅᐅ ᐅᑭᒪᑲᓇ ᒥᓯᐧᐁ ᑫᐧᑲᓇ ᑲ ᐃᔑ ᓇᓇᑲᒋᑕᓂᐧᐊᑭ ᑲ ᐅᒋ ᐱᒥᐃᒋᐠ ᐃᓂᓂᐧᐊᐠ ᐧᐃᓇ ᑭᓂᑲᓂᑲᑕᑦ ᐅᐅ ᑫᐧᑲᓇ ᓇᓇᑲᐤ ᑫᐧᑲᐣ ᑲᑐᒋᑲᑌᐠ᙮

ᐊᓚᓇ ᑭᔑᓂᑕᐧᐃᑭᐤ ᑭ ᑭᔑᑕᑊ ᐁ ᑭᐢᑭᓄᐊᒪᓱᐟ ᐊᐧᐊᔑᔑᐧᐃ ᐊᑐᐢᑫᐧᐃᓂᓂᐤ ᐧᑫᓪᑊ᙮ ᐁᐧᐸᒪᔑ ᐣᑕᐧᐃ ᑭᐢᑭᓄᐊᒪᓱᐟ ᐱᑕᒪ ᑭ ᐊᐸᑎᓯᐤ ᐁ ᑭᐧᐃᒋᐊᐸᑎᓯᒪᐟ ᐃᓂᓂᐧᐊ ᓀᑌ ᔕᐧᐊᓄᐠ᙮ ᑭᐡᐧᑲ ᒪᑲ ᑭ ᐊᑎ ᑭᐢᑭᓄᐊᒪᓱᐤ ᑐᐧᕋᐣᑐ ᑭᒋ ᑭᐢᑭᓄᐊᒪᑐᐧᐃᑲᒥᑯᐠ᙮ ᑲ ᐃᔑ ᑕᐧᐯᔦᓂᑕᐠ ᐁ ᑭᐧᐃᒋᐊᐸᑎᓯᒪᐟ ᐃᓂᓂᐧᐊ ᒥᑐᓂ ᐁ ᑭᐧᐃᒋᐃᑯᐟ ᓀᐢᑕ ᐁ ᑭᓇᐃᐸᓂᐟ ᑭᒋ ᐧᐃᒋ ᐊᐸᑎᓯᒪᐟ᙮ ᑫ ᑭ ᐅᒋ ᐧᐃᒋᐃᑯᐟ ᐊᓂᐃ ᑫᐧᑲᓇ ᑲ ᑭᐢᑭᓄᐊᒪᓱᐟ᙮

ᐊᓚᓇ ᒥᒉᐧᑕᔭᐠ ᐃᔑ ᑲᐡᑭᑕᐤ ᑲ ᑭ ᐯᒋ ᐊᐃᑐᑕᐠ ᐅᑕᐸᑎᓯᐧᐃᓂᐠ᙮ ᐁ ᑭ ᑭᐢᑭᓄᐊᒪᓱᐟ ᓇᓇᑲᐤ ᑫᐧᑲᓇ ᓇᑲᒋᑕᐤ ᑫ ᐃᔑ ᐱᒥᐊᐟ ᑲᒪᓂᐸᓂᓂᒋ ᐊᐧᐁᓂᑲᓇ ᐅᐢᑎᐧᑲᓂᓂᐠ᙮ ᑲᑕ ᐊᑎ ᑭᐢᑭᓄᐧᐊᒋᐊᑲᓂᐧᐊᐣ ᐅᒪ ᐁ ᐃᔑ ᑲᐡᑭᐅᐟ ᓇᐢᐱᐨ ᒪᑲ ᓇᓇᑲᓯᐤ ᑭᒋ ᐧᐃᒋ ᐊᐸᑎᓯᒪᐟ ᐊᓂᔑᓇᐯᐧᐃ ᐃᓂᓂᐧᐊ ᑭᐡᐧᑲ ᑭᔑᑕᑌ ᒥᓯᐧᐁ ᑫᐧᑲᓇ᙮

ᐊᐢᑲᐤ ᒪᓇ ᑭᑎᑌᓂᑌᓇᓇᐤ ᑯᑕᐠ ᐊᐧᐁᓂᑲᐣ ᑭᒋ ᑭ ᐧᐊᐧᐃᒋᐃᑕᐠ ᑲ ᐃᔑ ᓇᑭᐡᑲᒪᐠ ᑫᐧᑲᓇ ᐊᐧᐁᓇ ᐁᑲᐡᑭᐅᐟ ᓀᐢᑕ ᑲ ᑭᔐᐧᐊᑎᓯᐟ ᑫ ᐣᑐᑕᐠ ᓀᐢᑕ ᐯᑕᐠ ᒪᓂᐸᓂᐧᐃᓂᓂᐤ ᓇᓇᑲᐤ ᑐᐧᐊ ᒪᓂᐸᓂᐧᐃᓇ ᑲᓇᑭᐡᑭᑲᑌᑭ ᐧᐃᒉᐧᐃᑐᐧᐃᓂᐠ ᒪᓂᐸᓂᐧᐃᓇ, ᑲᐡᑫᓂᑕᒧᐧᐃᓂᐠ, ᓀᐢᑕ ᐸᐢᑫᐸᓂᐧᐃᓂᐠ ᐧᐃᑭᑐᐧᐃᓂᐠ᙮ ᓀᐢᑕ ᒪᑲ ᑫ ᑭ ᐅᒋ ᐧᐊᐧᐃᒋᐃᑕᐠ ᐁᑲ ᑭᓇᓇᐤ ᑲ ᑲᐡᑭᑕᔭᐠ ᑭᒋ ᓄᒋᑕᒪᓱᔭᐠ᙮

ᑭᔕᐢᐱᐣ ᐧᐃᓇᑲᑕᒪᓀ ᐅᐅ ᑫᐧᑲᓇ ᑲᒪᓂᐸᓂᐃᑯᔭᐣ ᐁᑲ ᒥᓇ ᑭᒋ ᒥᑯᐡᑲᒋᐃᑯᔭᐣ ᓂᑲᐣ ᐃᑌᑫ ᑭᒋ ᑭ ᐅᒋ ᒥᐧᓀᓂᒧᓇᓂᐧᐊᐠ ᐱᒪᑎᓯᐧᐃᓂᐠ᙮ᓓᓕᔭᐣ ᒪᑲ ᐅᒪ ᑲᑕ ᐃᔑ ᑲᐡᑭᑕᐤ ᑭᒋ ᑭ ᐃᔑ ᐧᐊᐧᐃᒋᐧᑕᐟ ᐁᑲ ᑫᐧᑲᐣ ᑫᓇᓇᑲᐡᑫᒪᑲᐠ ᑲᐧᐊᐸᑌᐣ ᐱᑐᐡ ᑭᒋ ᐃᑌᓂᒧᔭᐣ᙮

ᐊᐣᑭᐢ ᑭ ᑭᐢᑭᓄᐊᒪᓱᐤ ᑲᒪᒥᓄᒥᐧᐁᐟ ᑲ ᐃᔑ ᒪᓂᐸᓂᐃᑯᓂᒋ ᑫᐧᑲᓇ ᐃᓂᓂᐧᐊ᙮ ᑭᐢᑭᓄᐧᐊᑕᓯᓇᓱᐤ ᐁ ᑲ ᑭᐡᑭᑕᐟ ᐅᒪ ᑭᒋ ᑭ ᐃᓇᐸᑎᓯᐟ ᐁ ᑭ ᑭᐢᑭᓄᐊᒪᓱᐟ ᑭᒋ ᑭᐢᑭᓄᐊᒪᑐᐧᐃᑲᒥᑯᐠ᙮ ᑫᔑᒋᐧᐊᓄᐠ ᑭ ᐃᔑ ᐊᐸᑎᓯᐤ ᐊᔕᔾ 18 ᐱᐳᐧᓇ ᐅᒪ ᑭ ᐃᓇᐸᑎᓯᐤ ᑲᑭᓇᐤ ᐁ ᑭ ᐊᑐᐢᑲᑕᐠ ᐅᐅ ᒪᓂᐸᓂᐧᐃ ᐊᑐᐢᑫᐧᐃᓇ ᑲ ᑐᒋᑲᑌᓂᐠ ᐁ ᐣᑐᑯᐅᒥᒋ ᐅᐅ ᐊᐧᐁᓂᑲᓇ ᐅᒪ ᑲ ᐃᔑ ᒪᓂᐸᓂᓂᒋ᙮ ᐧᐃᒋᐃᑯᐤ ᐅᒪ ᑲ ᐃᓇᐸᑎᓯᐟ ᐁᑭᐢᑫᓂᑕᐠ ᑫᑐᑕᐠ ᐁᐧᐊᐧᐃᒋᐊᐟ ᐅᒪ ᑲ ᐃᑕᐢᐱᓀᓂᒋ ᑭᐢᑫᓂᑕᑦ ᓀᐢᑕ ᑫᑐᑕᐠ ᐊᐧᐁᓂᑲᐣ ᒪᓇ ᑲ ᐧᐃ ᐅᑎᓇᐠ ᐅᐱᒪᑎᓯᐧᐃᐣ ᑭᒋ ᑭ ᓇᓇᑲᓇᐠ ᐁᑲ ᐅᒪ ᑭᒋ ᐃᐢᐸᓂᓂᐠ᙮

ᐃᓕᓯᐸᐟ ᑲᓪᐟ ᐣᑐᑯᓄᓂᐧᐃ ᐊᐸᑎᓯᐤ ᑲ ᒪᓂᐸᓂᓂᒋ ᐅᒥᑐᓀᓂᒋᑲᓂᓂᐠ ᑲ ᑫᐢᑭᒣᐤ᙮ ᐊᔕᔾ 14 ᐱᐳᐧᓇ ᐅᒪ ᑭ ᐯᒋ ᐃᓇᐸᑎᓯᐤ ᓀᑌ ᔕᐧᐊᓄᐠ᙮ ᐁ ᑭ ᐸᐸᐧᐃᒋᐊᐟ ᓇᓇᑲᐤ ᐊᐧᐁᓂᑲᓇ ᑲ ᐃᔑ ᒪᓂᐸᓂᓂᒋ᙮ ᐊᔭᐤ ᒪᓯᓇᐃᑲᓂᓂᐤ ᐅᒪ ᑭᒋ ᑭ ᐃᓇᐸᑎᓯᐟ ᐁ ᑭ ᑲᐡᑭᑕᒪᓱᐟ ᒣᐧᑲᐨ ᑲ ᑭ ᐯᒋ ᑭᐢᑭᓄᐊᒪᓱᐟ ᑭᒋ ᑭᐢᑭᓄᐊᒪᑐᐧᐃᑲᒥᑯᐠ᙮

ᑲᐡᑭᐅᐤ ᐊᐧᐊ ᐃᓕᓴᐯᐟ ᐁᐱᒪᐊᐟ ᐊᐧᐁᓂᑲᓇ ᑲ ᐃᔑ ᒪᓂᐸᓂᓂᒋ᙮ ᐁᐧᑲᓂ ᐁᑕᒋᒥᑯᓯᐟ ᑲ ᐃᔑ ᐊᓂᒧᒥᐟ ᑲ ᐃᔑ ᑲᐡᑭᑕᐟ᙮ 

ᐃᓕᓯᐸᐟ ᑲ ᑐᑕᐠ ᐅᑕᐸᑎᓯᐧᐃᓂᐠ ᑲ ᐃᔑ ᒪᒥᓄᒥᐧᐁᐟ ᐊᐧᐁᓂᑲᓇ ᑲᒪᓂᐸᓂᓂᒋ ᐧᐃᑭᑐᐧᐃᓂᐠ, ᑲᐡᑫᓂᑕᒧᐧᐃᓂᐠ ᓀᐢᑕ ᑯᑕᑭᔭ ᓇᓇᑲᐤ ᑲᒪᓂᐸᓂᐃᑯᓂᒋ᙮ ᐊᐸᑎᓯᐤ ᐊᐸᑎᓯᐧᐃᑲᒥᑯᐠ ᑲ ᐃᔑ ᓇᓇᑲᒋᐃᒥᒋ ᑲᒪᓂᐸᓂᓂᒋ ᐊᐧᐁᓂᑲᓇ᙮ ᓇᓇᑲᐤ ᐊᐸᑎᓯᐧᐃᓇ ᑭ ᐯᒋ ᐊᐸᑎᓯᑲᑕᑦ᙮

ᓇᓇᑲᐤ ᑐᐧᐃ ᐧᐃᒋᐃᐧᐁᐧᐃᓇ ᑲᐡᑭᑕᐤ ᑲᑐᒋᑲᑌᐠ ᐊᐧᐁᓂᑲᐣ ᑲ ᓇᑭᐡᑲᐠ ᓇᓇᑲᐤ ᑫᐧᑲᓇ ᑲ ᐊᓂᒥᐃᑯᐟ ᐅᐱᒪᑎᓯᐧᐃᓂᐠ᙮ ᐁᑯ ᐅᐅ ᐊᑎᐟ ᑫᐧᑲᓇ ᑲᓄᑕᐟ ᐁᐧᐊᐧᐃᒋᐊᐟ ᐊᐧᐁᓂᑲᓇ ᐅᒪᓂᐸᓂᐧᐃᓂᓂᐠ᙮

ᓕᐣᓯ ᑭ ᑲᐡᑭᑕᒪᓱᐤ ᑲ ᑭ ᐃᔑ ᑭᐢᑭᓄᐊᒪᓱᐟ ᓀᐢᑕ ᑭᐢᑭᓄᐧᐊᑕᓯᓇᓱᐤ ᐅᒪ ᑭᒋ ᑭ ᐃᔑ ᐃᓇᐸᑎᓯᐟ᙮ ᐧᐃᑕᑦ ᒪᑲ ᐁᔑ ᑲᐡᑭᑕᐟ ᑭᒋ ᐧᐃᒋᐊᐟ ᐊᐧᐁᓂᑲᓇ ᑲᒪᓂᐸᓂᓂᒋ ᑲᐡᑭᐅᐤ ᐅᒪ ᐃᔑ᙮ ᑲ ᐃᔑ ᑕᐧᐯᔦᓂᑕᐠ ᐁᐣᑐᑕᐧᐊᐟ ᐊᐧᐁᓂᑲᓇ ᑲ ᐃᔑ ᐧᐃᑕᒪᑯᐟ ᐅᒪᓂᐸᓂᐧᐃᓂᓂᐠ᙮ ᓀᐢᑕ ᐁᐧᐃᒋ ᐱᒧᑌᒪᐟ ᑲ ᐃᔑ ᐧᐃᑕᒪᑯᐟ ᐅᒪᓂᐸᓂᐧᐃᓂᓂᐠ᙮ ᐃᐢᐱ ᓕᐣᓯ ᐁᐧᐃᒋᐃᐢᐠ ᑭ ᑭᐢᑫᓂᒪᐤ ᐁ ᑭᒋ ᑭᔐᐧᐊᑎᓯᐟ᙮
pamela b

ᐸᒥᓚ ᒥᑐᓀᓂᒋᑲᓂ ᒪᓂᐸᓂᐧᐃᓂᐠ ᐊᑐᐢᑫᐧᐃᓂᐠ ᑭ ᑭᐢᑭᓄᐊᒪᓱᐤ ᐅᒪ ᑭᒋ ᑭ ᐃᔑ ᐃᓇᐸᑎᓯᐟ ᓇᓇᑲᐤ ᐊᑐᐢᑫᐧᐃᓇ ᑲ ᐃᔑ ᑭᐢᑭᓄᐊᒪᑲᓂᐧᐊᓂᓂᑭ ᐁ ᑭ ᑭᐢᑭᓄᐊᒪᐊᐟ ᑫ ᑐᑕᒥᒋ ᐊᓂᐃ ᑲᒪᓂᐸᓂᓂᒋ ᐅᐱᒪᑎᓯᐧᐃᓂᓂᐠ ᙮ ᒥᓯᐧᐁ ᑭ ᑭᔑᑕᐤ ᐅᐅ ᑲ ᑭ ᑭᐢᑭᓄᐊᒪᓱᐟ ᐅᒪ ᑭᒋ ᑭ ᐃᓇᐸᑎᓯᐟ᙮

ᑯᓗᐧᐃ ᑭ ᑭᐢᑭᓄᐊᒪᓱᐤ ᒥᓯᐧᐁ ᑫᐧᑲᓇ ᑲ ᑭ ᐃᔑ ᑲᐡᑭᑕᒪᓱᐟ ᓇᓇᑲᐤ ᑲ ᐃᓇᐸᑎᓯᓇᓂᐧᐊᓂᓂᐠ ᐱᒥᐃᐧᐁᐧᐃᓂᐠ ᑲ ᑫᐢᑭᒥᐧᐁᐧᐃᓂᐠ ᐅᑕ ᑲ ᐃᔑᓇᐧᑲᐠ ᐅᐣᑌᕆᐅ ᐊᐢᑭᐠ᙮ ᑲᐡᑭᑕᐤ ᓀᐢᑕ ᑲᑭᓇᐤ ᐃᔑᑭᔑᐧᐁᐧᐃᓇ ᐊᐸᒋᑕᐤ ᐁ ᐃᔭᒥᐊᐟ ᑲᐱᒥᐊᐟ᙮ ᑲ ᑭ ᐃᔑ ᐧᐊᓂᑐᑕᒥᒋ ᓀᐢᑕ ᐱᔑᐧᑲᑎᓯᐧᐃ ᐊᑯᐃᒥᒋ᙮

ᑯᓗᐧᐃ ᑲ ᐃᔑ ᐊᐃᑐᑕᐠ ᐊᑎ ᑭᐢᑭᓄᑕᐃᑯᐤ ᒥᓯᐧᐁ ᑫᐧᑲᓇ ᑭᒋ ᐃᔑ ᓇᓇᑕᐧᐃ ᑭᐢᑫᓂᑕᐠ ᐅᑕᐸᑎᓯᐧᐃᓂᐠ ᒥᓯᐧᐁ ᐱᑯ ᐃᔑ ᑭᑭᐸᓂᓄᐤ ᐊᒐᑯᐧᐃ ᐱᒪᑎᓯᐧᐃᓂᐠ ᓀᐢᑕ᙮

ᐊᔾᐧᕆᐢ ᒥᓯᐧᐁ ᑫᐧᑲᓇ ᐅᒋᐢᑕᒪᑫᐤ ᐃᐢᐱ ᐁ ᒪᒥᓄᒪᐟ ᐊᐧᐁᓂᑲᓇ ᑫ ᑭ ᐅᒋ ᐧᐃᒋᐃᑯᓂᒋ ᓀᐢᑕ ᑫ ᑭ ᐅᒋ ᑲᐡᑭᑕᓂᒋ ᑭᒋ ᑭᑐᑕᒥᓂᒋ᙮ ᓇᓇᑲᐤ ᑲ ᐃᑭᐠ ᐱᒪᑎᓯᐧᐃᓂᐠ ᐃᔑ ᑕᐣᑌ ᑲ ᐃᔑ ᒪᓂᐸᓂᓂᒋ ᑫ ᑭ ᐅᒋ ᒥᐧᓇᒋᐃᑎᓱᓂᒋ᙮

ᐊᐢᐱᐣ 13 ᐱᐳᐧᓇ ᑭ ᐯᒋ ᐊᐸᑎᓯᐢᑕᐧᐁᐤ ᐊᐧᐁᓂᑲᓇ ᑲ ᑭᔐᔭᑎᓯᓂᒋ ᓀᐢᑕ ᒪᑲ ᐅᐡᑲᑎᓴ ᐊᐧᐊᔑᔕ ᒪᑲ᙮

ᐊᔾᐧᕆᐢ ᑕᔑᓀ ᑭ ᐯᒋ ᑲᑫᐢᑭᒥᐧᐁᐤ ᒥᓯᐧᐁ ᓇᓇᑲᐤ ᑫᐧᑲᓇ ᑲᒪᓂᐸᓂᐃᑯᓂᒋ ᐊᐧᐁᓂᑲᓇ ᐁ ᐃᔑ ᑲᐡᑭᑕᐟ ᐁᐧᐃᑲᐧᑫᐧᐃᒋᐊᐟ ᐊᒐᑯᐧᐃ ᑫᐧᑲᓂᐠ ᓀᐢᑕ ᐃᑌᑫ᙮

ᐠᕆᐢ ᑭ ᑭᐢᑭᓄᐊᒪᓱᐤ ᐧᕋᔾᓯᐣ ᑭᐢᑭᓄᐊᒪᑐᐃᑲᒥᑯᐠ 2017 ᐁᐱᐳᓂᓂᐠ ᓀᐢᑕ ᐊᔕᔾ 9 ᐱᐳᐧᓇ ᑲ ᐅᒋ ᐯᒋ ᐊᐸᑎᓯᐟ᙮ ᑲ ᐃᔑ ᓇᓇᑲᒋᐃᒋᐠ ᐁᑲ ᑲ ᐅᑕᔑᑫᐧᐃᑲᒥᑯᒋᐠ ᓀᐢᑕ ᓇᓇᑲᐤ ᑲ ᐃᔑ ᒪᓂᐸᓂᓂᒋ ᐊᐧᐁᓂᑲᓇ᙮ ᐊᓄᐨ ᒪᑲ ᒣᐧᑲᐨ ᐊᐧᐊ ᐠᕆᐢ ᐧᐃᒋᐊᐸᑎᓯᒣᐤ ᐃᓂᓂᐧᐊ ᐅᑌ ᐃᑌᑫ ᑭᐧᐁᑎᓄᐠ᙮

ᑌᐳᐧᕋ ᒪᓯᓇᐃᑲᓱᐤ ᑲ ᐃᓇᐸᑎᓯᐟ ᒥᐢᑕᐃ ᑲᒪᓂᐸᓂᓂᒋ ᐧᐊᐧᐃᒋᐁᐤ᙮ ᐧᐊᑐᓗ ᐃᑕᐧᐃᓂᐠ ᐃᔑ ᑕᔑᑫᐤ ᐧᐊᔦᐡ ᐊᐣᑌ ᐯᔭᐧᑲᔦᐠ ᐃᓂᓂᐧᐊ ᑲ ᐃᔑ ᐃᑕᓂᒋ ᓇᒧᐧᐊᐣ ᐃᑌᑫ᙮  ᐊᓂᔑᓇᐯ ᓀᐢᑕ ᐅᑎᑐᓯᓂ ᐃᓂᓂᐧᐊ ᐧᐃᒋᐊᐸᑎᓯᒣᐤ᙮ ᐊᔕᔾ ᐧᐁᐡᑲᐨ ᑭ ᐅᒋ ᐯᒋ ᐊᐸᑎᓯᐤ ᒥᓄᐱᒪᑎᓯᐧᐃ ᐊᑐᐢᑫᐧᐃᓂᐠ ᓀᐢᑕ ᐁ ᑭᐧᐃᒋ ᐊᐸᑎᓯᒪᐟ ᑲ ᓄᒋᐃᒥᒋ ᑲᒪᓂᐸᓂᓂᒋ ᒥᓯᐧᐁ ᑫᐧᑲᓇ ᑲ ᐊᓂᒥᐃᑯᓂᒋ ᐅᐯᔭᑯᑌᐧᐃᓯᐧᐃᓂᓂᐠ᙮ ᑌᐳᐧᕋ ᒥᑐᓂ ᐧᑲᔭᐢᐠ ᓄᒋᑕᐤ ᐅᑕᐸᑎᓯᐧᐃᐣ ᓀᐢᑕ ᐁᐧᐃᑲᐧᑫ ᓂᓯᑐᑕᐧᐊᐟ ᐁᑭᐢᑌᓂᒪᐟ ᑲᒪᒥᓄᒪᐟ ᐊᐧᐁᓂᑲᓇ ᑫ ᐅᒋ ᐊᐧᑲᒥᓯᓂᒋ ᓂᐧᐃᒋᐊᐸᑎᓯᒥᑯᓇᐣ ᒪᑲ ᐊᓂᔑᓇᐯ ᐊᑐᐢᑫᐧᐃᓂᐠ᙮

ᑌᐱᐟ ᑭᐢᑭᓄᐧᐊᑕᓯᓇᓱᐤ ᐊᓂᐃ ᑫᐧᑲᓇ ᑲ ᑭ ᑭᐢᑭᓄᐊᒪᓱᐟ᙮ ᐯᔭᑯᑌᐧᐃᓯᐧᐃᓂᐠ ᐃᑌᑫ ᐃᔑ ᒪᒥᓄᒧᐧᐁᐤ᙮ ᑲ ᐃᔑ ᑭᒋ ᐊᑐᐢᑲᒋᑲᑌᓂᐠ ᐧᐃᑭᑐᐧᐃᓂᓂᐤ ᐃᔑ ᐊᐸᑎᓯᐤ᙮ ᐊᐢᐱᐣ 1998 ᐁ ᐧᐸᒪᔑ ᑭᒋᑕᐟ ᑭ ᐊᔭᒥᐁᐧᐃᑭᒪᐧᐃᐤ ᓀᐅ ᐱᐳᐧᓇ ᓀᐢᑕ ᒥᓇ ᑭ ᑭᐧᐁ ᑭᐢᑭᓄᐊᒪᓱᐤ ᐁᐧᐃᑭᔑᑕᐢᐸᐣ ᑲ ᑭ ᑭᐢᑭᓄᐊᒪᓱᐢᐸᐣ ᓂᐢᑕᑦ

ᔭᐠ ᔦᓂᐳᕐᓯᑎ ᑭ ᐃᔑ ᑭᐢᑭᓄᐊᒪᓱᐤ᙮ ᐁᑯᑕ ᒪᑲ ᑲ ᑭ ᐊᑎ ᐅᒋ ᑲᒋᒋᐟ ᑭᒋ ᐧᐊᐧᐃᒋᐊᐟ ᐊᐧᐁᓂᑲᓇ ᑲᒪᓂᐸᓂᓂᒋ ᒣᐧᑲᐨ ᑲ ᑭ ᑭᐢᑭᓄᐊᒪᓱᐟ ᓇᐢᐱᐨ ᑭ ᑭᑲᔦᓂᒣᐤ ᐃᓂᓂᐧᐊ ᐁᐧᐃᐧᐃᒋᐊᐟ ᐁᐧᐃ ᑲᑫᐢᑭᒪᐟ ᐅᐱᒪᑎᓯᐧᐃᓂᓂᐠ ᑲ ᐃᔑ ᒪᓀᓂᒧᓂᒋ ᐁᐧᐃᒋᐊᐟ ᑲᑭᒋᐃᐧᐁᐧᐃᓂᐠ ᐃᔑ ᓀᐢᑕ ᐊᒐᑯᐧᐃ ᑫᐧᑲᓇ ᓀᐢᑕ᙮ ᐁᑯᑕ ᑲ ᑭ ᐅᒋ ᐊᑎ ᐧᐊᐧᐃᒉᐧᐊᐟ ᐅᐅ ᐃᓂᓂᐧᐊ ᐁ ᑭᔕᔑᑭᐊᐟ ᒥᓯᐧᐁ ᐃᔑ ᑭᒋ ᑭ ᐅᒋ ᒥᓄᐸᓂᓂᒋ ᐅᐅ ᑲ ᑲᑫᐢᑭᒪᐟ᙮

ᑌᐱᐟ ᑲ ᑭ ᑭᐢᑭᓄᐊᒪᓱᐟ ᓀᐢᑕ ᑲ ᑭ ᐃᔑ ᐧᐊᐧᐃᒉᐧᐊᐟ ᐊᐧᐁᓂᑲᓇ ᐁᑭᓄᓱᓀᐊᐠ ᐊᔭᒥᐁᐧᐃᓂᓂᐤ ᐊᔭᒥᐁᐧᐃᑭᒪᐧᐃᓂᓂᐤ ᐁ ᑭᓄᒋᑕᐟ ᑭ ᑲᐡᑭᑕᐤ ᑭᒋ ᐊᐸᑎᓯᐟ ᒪᒥᓄᒥᐧᐁᐧᐃᓂᐠ ᓀᑌ ᑕᐣᑕᓇᐃᑲ ᑲ ᐃᒋᑲᑌᐠ ᑭ ᐃᔑ ᑭᐢᑭᓄᐊᒪᓱᐤ ᓀᐢᑕ ᒥᓇ ᐱᑐᐡ ᑭ ᐃᔑ ᑭᐢᑭᓄᐊᒪᓱᐤ᙮ ᐁ ᑲᑫᐢᑭᒪᐟ ᑲᒪᓂᐸᓂᓂᒋ ᐅᐧᐃᑭᑐᐧᐃᓂᓂᐠ᙮ ᓀᐢᑕ ᐁᐧᐃᒋᐧᑕᐟ ᐁ ᐊᔭᒥᐊᐟ ᑲᐧᐃᐧᐃᑭᑐᓂᒋ ᐁᐧᑲᓂ ᐁᓇᐸᑎᓯᐟ ᐊᐣᑌ ᑲ ᑭ ᐃᔑ ᐊᐸᑎᓯᐟ᙮ ᓇᓇᑲᐤ ᑐᐧᐃ ᒪᓂᐸᓂᐧᐃᓂᓂᐤ ᐁᑭᓄᒋᑕᐟ ᐁᐧᐃᐧᐃᒋᐧᑕᐟ ᐊᐧᐁᓂᐧᐊ ᑫᐧᑲᓂᐤ ᐁᑲ ᑲᑭᐳᓂᑕᓂᒋ᙮

ᐊᓄᒋᑫ ᐅᑕᓇᐠ ᐱᐳᐧᓇ ᐊᐧᐊ ᑌᐱᐟ ᑭ ᐊᑎ ᒥᒉᑎᓂᐧᐊ ᐃᓂᓂᐧᐊ ᐁᐧᐃᒋ ᐊᔭᒥᐃᑯᐟ ᐁᐧᑲᓂ ᒪᑲ ᐱᑯ ᑐᑕᐠ ᐁᓄᒋᑕᐟ ᐅᑕᐸᑎᓯᐧᐃᐣ ᐃᓂᓂᐧᐊ ᐅᒋ ᐊᐣᑌ ᑭᐧᐁᑎᓄᐠ ᑲ ᐃᑕᓂᒋ ᐃᓂᓂᐧᐊ ᐁᑯᒪ ᐯᔭᐠ ᐊᑐᐢᑫᐧᐃᓂᓂᐤ ᑲᑭ ᑭᒋᑕᒋᐠ ᐊᓂᔑᓇᐯ ᐊᐢᑭᐠ ᐅᑭᒪᐧᐊᐠ

ᑲᓚᑎᐣ ᑎᔑᓂᑲᓱᐣ ᑕᔭᐣ ᓂ ᑭᐢᑭᓄᐧᐊᒋᐃᑯᓯᐧᐃᐣ ᑲ ᑭ ᐃᔑ ᑲᐡᑭᑕᒪᓱᔭᐣ ᐁ ᑭ ᑭᐢᑭᓄᐊᒪᓱᔭᐣ᙮ ᐅᓇᔓᐧᐁᐧᐃ ᐊᑐᐢᑫᐧᐃᓂᐠ ᓂᑭ ᑭᐢᑭᓄᐊᒪᓱᐣ ᑭᒋ ᑭᐢᑭᓄᐊᒪᑐᐧᐃᑲᒥᐠ ᓂᔪ ᐸᓇᓂᐢᓱᐧᐃᐠ ᑲ ᐃᔑᓂᑲᑌᐠ ᑭᐢᑭᓄᐊᒪᑐᐧᐃᑲᒥᐠ᙮

ᐊᐧᐊ ᐃᐢᐧᑫᐤ ᐧᐃᑕᒪᑫᐤ ᑫ ᑭ ᐃᔑ ᐧᐊᐧᐃᒋᐧᑕᐟ ᐊᐧᐁᓂᑲᓇᐠ ᑫ ᑭ ᐅᒋ ᒥᐧᓀᓂᒧᒋᐠ᙮ 20 ᐊᐧᐊᓯᑌ ᐱᐳᐧᓇ ᐅᒪ ᐁ ᑭᓇᐸᑎᓯᐟ᙮ ᐁᑭᐧᐊᐧᐃᒋᐧᑕᐟ ᓇᓇᑲᐤ ᒪᓂᐸᓂᐧᐃᓇ ᓀᐢᑕ ᐁ ᑭᐧᐃᒋᐊᐸᑎᓯᒪᐟ ᐅᐡᑲᑎᓴ ᓀᐢᑕ ᐊᐧᐊᔑᔕ᙮ ᐁᐧᑲᓂ ᒪᑲ ᐁᔑ ᒧᐢᑌᔦᓂᑕᐠ ᐅᒪ ᐁᐧᐃ ᐃᔑ ᐧᐃᒋᐧᑕᐟ᙮

ᐁᓪᑭ ᑭᐢᑕᑭᓯᐤ ᑲ ᐃᓇᐸᑎᓯᐟ᙮ ᑲᐡᑭᐅᐤ ᐁᑭᐢᑭᓄᐊᒪᑫᐟ ᑲ ᐃᓇᐸᑎᓯᐟ ᓇᓇᑲᐤ ᑫᐧᑲᓇ ᐁ ᑭᐢᑭᓄᐊᒪᑫᐟ

ᑲ ᐃᔑ ᑕᐧᐯᔦᓂᑕᐠ ᒥᓯᐧᐁ ᐊᐧᐁᓂᑲᐣ ᐁᒥᔑᑲᓂᓂᐠ ᑲ ᐃᔑ ᑭᐢᑫᓂᑕᐠ ᐅᑲᐡᑭᐅᐧᐃᓂᐠ ᓀᐢᑕ ᑭᒋ ᑭ ᐅᒋ ᑲᐡᑭᑕᒪᓱᐟ ᑫᐧᑲᓇ ᑫ ᐊᐸᑎᓯᑲᑕᐠ᙮

ᐊᐧᐊ ᐃᐢᐧᑫᐤ ᑭ ᐊᐸᑎᓯᐤ ᑲᓇᑕᐢᑭᐠ ᐃᓂᓂᐠ ᐃᑌᑫ ᑲᓇᑫ 2 ᐱᐳᓇ ᐃᓂᑯᐠ᙮ ᐊᑯᓯᐧᐃ ᐱᒥᐃᐧᐁᐧᐃᓂᐠ ᐁ ᑭᐧᐊᐧᐃᒋᐧᑕᐟ᙮

ᐁᓪᑭ ᐅᒪ ᐃᓂᑯᐠ ᑭ ᐊᐸᑎᓯᐢᑕᑫᐤ 35 ᐱᐳᐣ ᐊᐢᐱᐣ 1980᙮ ᒥᒉᐧᑕ ᑭᑲᑭᑎᒪᑭᐸᓂᐤ ᐁ ᐊᓂᒥᓯᐟ᙮ ᑲ ᑭᐧᐃᒋᐃᑯᐟ ᒪᑲ ᑲ ᑭ ᐃᔑ ᑕᐧᐯᔦᓂᒪᐟ ᐊᐧᐁᓂᑲᓇ ᑲ ᑭᐱᒥᐊᐟ ᓇᐢᐱᐨ ᐁᑭᓄᐢᐸᑎᓯᐢᑕᐧᐊᐟ ᑲ ᑭ ᐱᒥᐊᐟ ᐊᐧᐁᓂᑲᓇ᙮ ᐁᑭᐧᐊᐸᒪᐟ ᐁᑭ ᐊᐧᓭᓂᒧᑐᑕᑯᐟ ᐁᐧᑲᓂᒣᓂᐤ ᑲ ᑭᐧᐃᒋᐃᑯᐟ᙮

ᐧᑲᔭᐢᐠ ᑭᐢᑫᓂᒪᑲᓂᐧᐊᐣ ᐁᑭᒪᓯᓇᐊᐠ ᒪᓯᓇᐃᑲᓇ ᒥᓯᐧᐁ ᐊᐧᐁᓂᑲᐣ ᐁ ᐃᑌᓂᑕᑯᓯᐟ ᑭᒋ ᓴᑭᑕᐟ ᐅᐱᒪᑎᓯᐧᐃᐣ᙮

ᒉᓂᐳᕐ ᑭ ᑭᐢᑭᓄᐊᒪᓱᐤ ᓓᐠᐁᐟ ᐅᓂᐳᕐᓯᑎ ᑭ ᑲᐡᑭᑕᒪᓱᐤ ᑲ ᑭ ᑭᐢᑭᓄᐊᒪᓱᐟ᙮ ᑭ ᐊᑎ ᐊᐸᑎᓯᐤ ᓄᑎᐣ ᐊᑐᐢᑫᐧᐃᑲᒥᑯᐠ ᐅᐡᑲᑎᓴ ᐁᐱᒥᐊᐟ ᑭᐡᐧᑲ ᒪᑲ ᐊᐧᐊᔑᔕᐠ ᐅᒥᑐᓀᓂᒋᑲᓂᐧᐊᐠ ᑲᒪᓂᐸᓂᓂᒋ ᑭ ᐃᔑ ᐊᐸᑎᓯᐤ᙮ ᑭᐡᐧᑲ ᒪᑲ ᒥᓇ ᑭ ᑭᐧᐁᐤ ᑕᐣᑐᕐᐯ᙮ ᑲ ᐃᔑ ᐣᑐᐧᑲᐅᒋᐠ ᐅᒥᑐᓀᓂᒋᑲᓂᐧᐊᐠ ᐊᐧᐁᓂᑲᓇᐠ ᐃᔑ ᐧᐃᒋᐧᑕᐤ᙮ ᐧᐃᓇ ᑲ ᓇᓇᑲᒋᑕᐟ ᐁ ᐊᐸᑎᓯᑲᑕᐠ ᓇᓇᑲᐤ ᒪᒋ ᐣᑐᑯᓄᓇ ᑲ ᐊᐸᒋᑕᐧᐃᐟ᙮ ᒪᑕᐧᐊ ᐊᐸᒋᐃᑯᐤ ᓀᐢᑕ ᑭᐣᐠ ᐱᐡᔓᕐ ᐊᐸᒋᐃᑯᐤ

ᓄᐧᐊ ᐅᒋᐧᐯᒧᐤ ᑭᐢᑭᓄᐊᒪᑐᐧᐃᑲᒥᑯᐠ ᑭ ᐃᔑ ᐊᐸᑎᓯᐤ ᓂᐢᑐ ᐱᐳᐧᓇ᙮ ᑭ ᑭᐢᑭᓄᐊᒪᐊᓱᐤ ᓀᐢᑕ ᐧᐃᓇ ᐅᒪ ᑲ ᐃᓇᐸᑎᓯᐟ᙮

ᑲᑎ ᐅᒪᐡᑫᑯᒧᐤ ᑲᑎ ᑭ ᑭᐢᑭᓄᐊᒪᓱᐤ ᐊᔭᒥᐁᐧᐃᐣ ᑲ ᐃᔑ ᑭᐢᑭᓄᐊᒪᑲᓂᐧᐊᐠ ᐊᔭᒥᐁᐧᐃᑭᒪᐧᐃᐣ ᓀᐢᑕ ᑭ ᐊᐸᑎᓯᐤ ᑭᐧᐁᑎᓄᐠ ᐃᓂᓂᐧᐊᐢᑭᐠ 20 ᐱᐳᐧᓇ᙮
ᑲᕆᐢᑎᓇ ᐅᒋᐧᐯᒧᐤ ᓀᐢᑕ ᓂᓯᑐᑕᑦ ᑯᑕᑭᔭ ᐃᔑᑭᔑᐧᐁᐧᐃᓇ ᑭ ᑲᐡᑭᑕᒪᓱᐤ ᑭᐢᑭᓄᐧᐊᒋᐃᑯᓯᐧᐃᓂᓂᐤ ᒪᓯᓇᐃᑲᐣ ᑲ ᐸᑭᑎᓂᑲᑌᐠ ᐊᐧᐁᓇ ᐁᑭᔑᑕᐟ ᑲ ᑭᐢᑭᓄᐊᒪᓱᐟ ᒥᑐᓀᓂᒋᑲᓂᐧᐃ ᐊᑐᐢᑫᐧᐃᓂᐠ ᐃᑌᑫ᙮ ᑭᐯᒋ ᐊᐸᑎᓯᐤ 50 ᐱᐳᐧᓇ ᒥᑐᓀᓂᒋᑲᓂᐊᑐᐢᑫᐧᐃᓂᐠ ᓀᐢᑕ 7 ᐱᐳᐣ ᑭᐧᐃᒋᐊᐸᑎᓯᒣᐤ ᓄᑎᐣ ᑲ ᐃᔑᓂᑲᑌᐠ ᐊᑐᐢᑫᐧᐃᑲᒥᐠ᙮

ᒣᓚᓂ ᑭ ᑭᐢᑭᓄᐊᒪᓱᐤ ᑲ ᐃᓇᐸᑎᓯᐟ 6 ᐱᐳᐧᓇ ᑭᐧᐃᒋᐁᐤ ᓄᑎᐣ ᑲ ᐃᔑᓂᑲᑌᓂᐠ ᐊᑐᐢᑫᐧᐃᑲᒥᑯᓂᐤ᙮ ᒣᐧᑲᐨ ᐊᑕ ᐁᑲ ᐁ ᐊᐸᑎᓯᐟ ᒥᑐᓂ ᑕᔑᓀ ᐅᑕᒥᐤ

ᒪᑭ ᐊᔕᔾ ᒥᒉᑐᐱᐳᓇ ᐊᐸᑎᓯᐤ ᑲᐡᑭᐅᐤ ᓇᓇᑲᐤ ᑫᐧᑲᓇ ᐁᓇᓇᑲᑕᐧᐁᓂᑕᐠ ᒪᓂᐸᓂᐧᐃᓂᐠ

ᑎᐸᒋᒧᐧᐃᐣ ᐧᐃᐸᐨ ᑕᐃᑕᐧᑲᐣ

ᑎᐸᒋᒧᐧᐃᐣ ᐧᐃᐸᐨ ᑕᐃᑕᐧᑲᐣ